2014 是難忘的一年。首先 Yahoo Blog 在去年 2013 年底結束結束，2014 轉入新 Blog ，我個人無論如何已經再難投入，其他老友情況也差不多，尚幸大家仍可轉戰 Facebook 。經過一年，我這個活躍 Blogger 的拍攝、發佈習慣已有點改變。這裡不知不覺已經荒廢了。
第二件事，今年中旬，我正式參加了一個電視魔術節目。其實以往也試過不少，不過全都是幕後工作。今次真正出鏡，過程辛苦、也很好玩。而節目結束後，工作的確也有點轉變，也算真正見識到電視台的影響力。
好了，講玩具。
2014年亦是玩具界非常豐盛的一年，百花齊放。
傳統大公司交足功課，而年青公司亦不肯居於人後，
紛紛推出新企畫作新嘗試。
記得以前每年我都會和 Blog 友們大玩玩具年度排名，
但去到近年，要排名就相當艱難。
撇開自己私務繁忙甚麼甚魔的，要選「十大玩具」的確也有難度。
一來是因為近年玩家口味越來越雜 -----同是 Iron Man ，你總不能把 Hottoys 和孩之寶放在同一線上比較吧？
二來，就算是同類近價產品，例如 Bandai 和千值練，玩迷對大公司和細公司都會自設不同要求。結果，講到底都係一句「見人見智」而已。
想了想，
最後還是就自己喜好，選了十來件推薦玩具和大家談談。超合金魂 GX-66
超合金魂系列 70 年代機械人已經推出的七七八八，
據說還有些有人氣但未推出的，版權也不在 Bandai手上，
所以 G7 可能是最後一隻 70 代機械人。
這隻 G-7 是很好玩的，身高比大武士高一點點，約和超力電磁俠、V型電磁俠相約，記憶中應該是最高大的「非合體」合金魂。 G 7 最大特色是「七變」，這傢伙可以完全不用換件給你變出來之餘，更難得的是變形變得相當流暢。沒有大武士、太空保衛者等一些過份複雜的所謂新設計。把玩過程意外暢快。
若說缺點，首先是面相，總覺得長了一點點。
此外，本品付了兩個頭部，一個可變形、一個「外形先缺」。
問題係「外型先決」果個基本上同變形果個一鬼樣。
又，G7 活動能力不夠高：腰部不能動、髖部關節活動範圍窄，
擺 pose 此終大受限制....始終要顧及變形嘛。
2014年合金魂系列推出了四件新品：大和號、G7、Arcadia 號、並年度大作 GGG。
戰艦不是我杯茶，較難投入。而 G7 和 GGG相比，個人的確較喜歡 G7 ，所以入選年度推薦玩具。
又，G7 活動能力不夠高：腰部不能動、髖部關節活動範圍窄，
SR 合金 Genesic GeoGaiGar 始原勇者王
我向來對 Bandai 的SR 小型合金系列沒有太大好感，一來它未能滿足我對「合金玩具」的既有期望。二來，在我不到二十隻 SR 之中，已有兩隻給玩爛了，破壞率竟高於 1 成，也讓我有點冇癮。
不過這個系列的確越出越好，尤其今年推出了90年代超級系三巨頭---帝王萬能俠、真三一、與及始原勇者王GGGG。
真三一出得不差、帝王叫人驚喜，而這隻 GGGG 就更叫我愛不釋手。
SR GGGG 的外型已修得極美形，我看網上比較圖，
就是和被稱為神物的 Max 合金相比也不會太失禮（認真比較過，個人覺得真正不及的會是色澤）。
以 GGGG 這種大隻「呀乍」造型，本品活動能力亦叫人意外。
而本品的耐玩性和價錢，亦是勇者王迷的殷物。
SR GGGG 的外型已修得極美形，我看網上比較圖，
就是和被稱為神物的 Max 合金相比也不會太失禮（認真比較過，個人覺得真正不及的會是色澤）。
Macross F YF-30
看網上玩友反應，對他的評價極高。
我個人覺得，論外型，VF-30 設計上不及 25 系、更不及 29 系。
我個人覺得，論外型，VF-30 設計上不及 25 系、更不及 29 系。
但係玩具結構就講得上係 Bandai 菜系列之冠。
和 Arcadia 並前身公司 Yamato 部份作品相比已有過之......
嗯，除了 VF-1 系吧，畢竟VF-1 系列實在係千錘百煉之作。
本品變形流暢清脆，終於俾我覺得有「B記原來可以放心咁玩」
薄薄的機內隱藏一個巨形炮塔（仲可以逐粒打開！），直頭
變形有一件外加件，幫助加強結構，其實可用可唔用。
我影完成輯相都冇用過，反而覺得，可能的話，其實 29 更加需要。
又，本品有個菜系史上最大背包，重心極後，
站立 pose 易向後跌。
最後要一提，本品應該是現在唯一一隻有腰關節的可變韋基利。
以前我不喜歡韋基利，不過這幾年來，菜系玩具越出越靚、
機形越來越薄、越來越精緻。平日未有時間把玩，放在櫃裡以 Fighter mode display，想像一下這個纖薄的機身可以變成三種形態，已經好滿足。
Hot Toys Iron Patriot
Hot Toys 的 Iron Man 的確出到悶，不過悶歸悶，
佢又真係出得幾好，而且一隻好過一隻。
如果要我選一隻最有代表性的，就非 Iron Patriot 莫屬。
這件甲本來在漫畫中已大有來頭，
去到電影，又有一個頗聰明的處理。讓人印象深刻。
玩具方面，本品是 HT 合金頭炮。
以 12" 的份量去製作合金玩具已經夠震撼。
War Machine MK II 和 Iron Patriot 明明是一個模，
HT 在推出 WM MK II 後短短時間之內，又肯修改下盤隱藏關節設計，
實在叫玩迷感激涕零。和 MK42 相比...... MK42 問題實在太多了。
現在這傢伙仍未炒起，閣下未買的話，不妨留意一下。
Hot Toys 的 Iron Man 的確出到悶，不過悶歸悶，
佢又真係出得幾好，而且一隻好過一隻。
如果要我選一隻最有代表性的，就非 Iron Patriot 莫屬。
去到電影，又有一個頗聰明的處理。讓人印象深刻。
玩具方面，本品是 HT 合金頭炮。
以 12" 的份量去製作合金玩具已經夠震撼。
War Machine MK II 和 Iron Patriot 明明是一個模，
HT 在推出 WM MK II 後短短時間之內，又肯修改下盤隱藏關節設計，
實在叫玩迷感激涕零。和 MK42 相比...... MK42 問題實在太多了。
現在這傢伙仍未炒起，閣下未買的話，不妨留意一下。
Hot Toys Thor (Thor 2 ver.)
雷神是一個我非常喜歡的角色，一年總結，自自然然有佢份。
就"係咁耳"搵樣o野讚讚佢.....個人今次最欣賞的是那對膠手臂。
相比HT 早期的包膠臂，
今次真係進步太多喇---以前o既包膠臂o既質感，總係有種
唔係粗幼o既問題，而係質感。尤其屈曲手臂以後，情況更為嚴重，所以我都會無視。
而今次真係好好多，由皮膚到肌肉紋理，
都開始有真手o既感覺，真正可以配上現今 1/6 figure 面相o既水平。
最後要講講，HT 依家成日玩限定，
呢隻"露臂雷神"竟然又係限定。我抽唔到，要多得老友 Elljay 兄幫我搞返o黎，唔該晒！
Hot Toys Robber Joker Ver 2.0
上面剛說 HT 在持續進步，不過話說回來，
因為 DX01 出得實在太好、又有兩套衫又有雙頭雕，
所以我對 HT 之後其他小丑都可以無視。
結果亦沒有買 DX11 Joker ver 2.0 。（同樣原因， Batman 我就局買 ver 2.0 ....）
但現在再拿出 Joker ver 1.0 來看，再和玩具店內廚窗的 Joker 比比。
Ver 1.0 由面相到造功，的確已給比下去。
今次 Joker 不是 DX 版，沒有可動眼，
除此之外，面相很靚，沒話可說。
西裝畢挺，很貼身。在鏡頭下已越來越少違和感。
我平時看高手自組 figure ，原來1/6 的靚西裝可以好貴，
對比下，本品肯定物有所值。
炸彈旅行袋，附有一個炸彈架，
各炸彈適得其位，又靚又方便。
不過，拜 HT 之賜，
我們對12" Figure 要求日趨嚴苛。
對小 figure 大拉鍊的問題，總期望有天終得解決....
SHF 真骨雕 Kabuto
講到呢個系列，我一定要鬧幾句~~
所謂真骨雕，講清楚，就係一隻做得交足貨兼有個靚盒俾你o既 SHF 。
作為玩家，我真心唔想同你玩文字遊戲。
只要你肯明碼實價，同我做番足隻玩具，我都唔介意你貴。
不過呢個系列，你唔好忽然又好似 SHF 咁腳踝忽然變做 ball join、透明眼入面冇上色、
D 主角出D 唔出D 咁就得喇！
真骨雕 Kabuto 真係好靚，身裁夠壯、色澤夠厚。
某D 角度影相出o黎可以扮到 12" ，絕對係精品。
我係丟盒族，不過面對佢成個 ipone 咁o既盒，我又真係唔捨得丟。
推薦！
這裡不得不提一隻失望玩具。真骨雕來到第二彈響鬼已經出事，
頭大身細之餘、上色未能表現出劇中那種幻彩神緒。
....上色都仲可以遷就，不過頭部過大就好影響威勢。
失望~~~
SHF ZO
玩了幾年 SHF，多少會有點悶。
現在的 SHF 已難得讓我驚喜，不過年底卻給我一點意外。
推出了這隻老牌拉打 ZO 。
ZO 是 Black RX 、及"真"之後的電影作品，
人氣不高，但設計簡約得來又夠原祖味，是我頗喜歡的拉打，
產品不多。而今次SHF 出得十分精緻，各個關節都算交足功夫，不會無厘頭換了些偷工減料設計；除了稍嫌綠色不夠深之外，一身磨沙綠配金色非常討好；而「腰包身」的新設計能良好地表現出 ZO 戲服的獨特外型。一個字----正！
說多點題外話。作為主角，ZO SHF/真骨雕 系列推出時間是倒數第二名，身世可憐。
謹高於幪面超人 J，為甚麼呢？因為按計劃，幪面超人J 本來是 ZO 的續集，後來卻更改了，所以大 JJ 和ZO 十分似樣。而推出產品，好自然也會先推出 ZO 了。（順帶一提，如果按有自己獨立作品去計算，幪面超人"主角"還有一個幪面超人 G......不過很少拉打迷會承認吧？）
S.H.Monster 哥斯拉 最後戰役 ver.
呢兩年迷上怪獸玩具，玩得最開心係一堆大膠玩具；
貪佢o地平靚正之餘，又易買。就算係大熱款式，其實都冇乜人爭，有心買一定買到。
今年要我推薦一隻，一定係佢 EX 哥莫拉，依家仍然唔難買到，大家留意下！
不過如果你覺得叫你玩膠怪獸係"悔辱"你，咁就呢隻啦---- S.H.M 哥斯拉（最後戰役 ver.）造型參照 2004 年同名電影，身形較長、更 fit 、背鰭又大d 尖d 。呢個外型冇咁經典，未必忠實 Fans 口味，不過就好合我呢種半途玩家眼緣。我來來更期待 2014 美帝版哥斯拉，不過 SHM 最後造出o黎，都係唔夠呢隻有型！
千值練 巨神哥爾古
八十年代神話路線式機械人，設計簡單中流露一股神秘味道，
一直是我相當心儀的機械人，可惜玩具不多；和朋友談起、人氣亦屬一般。
今年千值練竟然替他推出了這套超合金，叫我喜出望外。看看價錢，訂價日元四萬一！唯有咬著牙關入手。
本品有 31 cm 高，和 Hot Toys 雷神一樣高度。如果不計 HT Ironman 、Bandai C3PO 等 12"Figure ，已是我家裡最大的合金玩具 。話說回來，本品髖部有一個拉出關節，方便作蹲下動作，HT 的I.P 的類似記計可能在此借鏡也未可知。
本品極大極重極漂亮，如果你喜歡哥爾古，追吧！絕對能令你愛不釋手！
MP 馬格斯
無論車型人型，外型已經達標。
變形爽快有趣，是MP 中變形結構最有趣味的一隻。
可動度不高，個人覺得已算合格。（可能因為看了其他朋友的劣評，
已有足夠心理準備）畢竟，這是一隻大形變形玩具，
如果關節增加，可能剛性又會減低，
未必可以放心玩。
加上馬格斯的外型，擺起姿勢來有少少笨笨的也很有味度。我是合金控，喜歡機械人有多點合金成份。不過，有時真要看情況。
同是 MP ，同是幾乎全膠宴，
上次的音波我可以玩到蝦蝦蟹蟹，
今次這隻馬格斯我卻非常喜歡。
.....只能歸結一句---有冇心，如果廠方有心去做一件玩具，
玩家係感受到o既！
Fans Projects @ Menasor
非官方推出的變形金剛玩意，主體黑色貨車變形複雜神奇，但過程清
合體後活動能力很高，但活動時，雙足有些變形位置會咬得不夠
最重要係外形，真係靚仔得好緊要！！！
Robot魂 銀河飄流
又是一隻八十年代角色，小時候我不算太喜歡這傢伙。
不過現在手來，又有一種莫名的親切感。玩具方面，用色用得甚好，雖然是原膠色，但用上啞色系，並沒有"很膠"的感覺。
作為 Robot 魂，活動能力自然不用懷疑。而本品造形飽飽滿滿的，感覺得精神、很討好。
整體是價廉物美的好玩具。
魂 Spec YGMA-14 Gilgazamune
魂 Spec 已有多年沒推出神產品，我還已為這條 line 已經死了，Bandai 卻在去年底宣佈這件新品，並在今年推出，我就乖乖去訂。
Gilgazmune 用上日本武士設計，本來已經有型有款，
加上 Bandai 傳統---越冷門越有心機，
高大、靚仔、電鍍零件、隱藏機關、就手方便的關節設計、夠長夠惡的冷兵器配件，令本品成為一件出色耀眼之作。，絕對贏主角威龍幾條街！
Marvel Select
一口氣講o左 15、6 隻玩具，最後想講多一個系列 -- Marvel Select 。
早年的 Marvel Select 並不盛行，一來因為相對 Marvel Legend，M.S. 的款色較少。二來，因為早年的 M.S. 較專注於造型、不願因為關節而犧牲外觀，所以活動能力低，不為玩家所喜。
但近年的 M.L 實在有飛躍性進步 ，外觀、面相比以往更細緻，而關節亦充份改善，活動能力有時甚至比 M.L 更好！
最重要是價錢相宜，M.S. 沒有 M.L 那些討厭的配箱制度，不會在短時間內無故炒起。只要稍稍留意，大家都可以很輕鬆買到。.......除非遇上是"迪士尼限定"，那麼大家就要花多點功夫了........
這裡送上幾張 Marvel Select 給大家看看，有冇少少中毒？
最後，新年新開始，祝大家身體健康、新年進步！
最後，新年新開始，祝大家身體健康、新年進步！
